Qamchiq dovonida Mercedes Sprinter avtomobili dvigatelidagi nosozlik tufayli yong‘in sodir bo‘ldi, deya xabar bermoqda FVV.
Qayd etilishicha, 2020-yilning 10-noyabr kuni tunda Toshkent—O‘sh xalqaro avtomagistralining 246-kilometrida poytaxt tomon harakatlanayotgan Mercedes Sprinter rusumli avtomobilda yong‘in sodir bo‘ldi.
Aniqlanishicha, yong‘in dvigatel bo‘linmasidan yoqilg‘i oqishi oqibatida kelib chiqqan. FVVning Qamchiq maxsus qidiruv, yong‘in-qutqaruv boshqarmasi xodimlari zudlik bilan voqea joyiga etib keldi. Yong‘inni bartaraf etishga bir nechta maxsus texnika birligi jalb qilindi.
Yong‘in 3 daqiqa ichida bartaraf etildi. Avtomobil haydovchisi o‘z vaqtida mashinadan chiqishga muvaffaq bo‘lgan. Yong‘indan tan jarohati olganlar yo‘qligi ma’lum qilingan.
https://youtu.be/UOHuWPhrBFM
Avvalroq Qamchiq dovonida Nexia Isuzu’ga yetib olishi natijasida 2 kishi halok bo‘lgani, Damas o‘zidan oldingi yuk mashinasiga urilishi oqibatida bir kishi halok bo‘lgani hamda Kia yuk mashinasi xandaqqa tushib ketgani haqida xabar berilgandi.