Жиззах вилояти Жиззах шаҳрида юк машинасида ёнғин келиб чиқди, деб хабар бермоқда ЙҲХББ.
Маълум қилинишича, 2020 йилнинг 16 ноябрь куни соат 10:45 ларда Жиззах вилояти Жиззах шаҳар «Қассоблик» маҳалласи Шароф Рашидов шоҳкўчасида ҳаракатланиб кетаётган HOWO русумли юк автомобилида ёнғин юзага келган. Ҳайдовчи транспорт воситасини тарк этишга улгурган.
Ёнғин ўт ўчирувчилар томонидан бартараф этилган.
Ёнғин натижасида тан жароҳати олганлар йўқ. Юк автомобилининг салон ва двигатель қисмлари ёнғиндан зарарланган.
Мазкур ҳодиса юзасидан Жиззах шаҳар ИИО ФМБ ЙҲХБ ва Фавқулодда вазиятлар бошқармаси томонидан суриштирув ишлари олиб борилиб, ёнғин сабабларига аниқлик киритилмоқда.
Аввалроқ Қамчиқ довонида Mercedes Sprinter, Тошкентда устахонада қолдирилган Opel Vectra ҳамда Зангиотадаги газ қуйиш шохобчасида ҳайдовчининг эҳтиётсизлиги сабабли Labo ёниб кетгани ҳақида хабар берилган эди.
Изоҳ (0)