“Barselona” va “Inter” klublari sobiq hujumchisi Samyuel Eto′O Kamerunda YTHga uchradi.
Sobiq futbolchining avtomobili Nkongsamba shahridan uzoq bo‘lmagan joyda turistik avtobus bilan to‘qnashib ketgan. Bu vaqtda Eto′O to‘ydan qaytayotgan bo‘lgan.
Mahalliy OAVda xabar qilishicha, avariya juda jiddiy bo‘lgan va voqea joyiga tez yordam mashinalari yetib kelgan. Kamerunlik sobiq o‘yinchi boshidan jarohat olgan, biroq o‘zini yaxshi his qilayotganini ma’lum qilgan.
Eto′O futbolchilik faoliyati mobaynida Real”, “Malyorka”, “Barselona”, “Inter”, “Anji”, “Chelsi”, “Everton”, “Sampdoriya”, “Antalyaspor”, “Konyaspor” va “Qatar” kabi jamoalarda to‘p surgan. U “Inter” va “Barselona” safida trebl qayd etgan hamda ikki xil klub safida ushbu natijaga erishgan yagona o‘yinchi hisoblanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)