Toshkent shahrida 31-oktabrdan 7-noyabrga qadar kattalar o‘rtasida boks bo‘yicha 2020-yilgi O‘zbekiston chempionati o‘tkazildi.
Musobaqada bir qator taniqli bokschilar ham ishtirok etdi. Jumladan, -69 kg vazn toifasida O‘zbekiston chempionligi Bobousmon Boturovga nasib etdi. Boturov final jangida Javlonbek Yo‘ldoshevni mag‘lub etdi.
Sportchi musobaqa final jangidan so‘ng kichik intervyu berdi, deya xabar bermoqda boks federatsiyasi matbuot xizmati.
Chempionatdan avval yaxshi sport formasda emasdim va buni tan olaman. Musobaqada menga qarshi ringga ko‘tarilgan barcha raqiblarim kuchli edi. Janglarimdan to‘liq qoniqdim deb aytolmayman. Finaldagi raqibim Javlonbekni yarim finaldagi jangini ko‘rdim. Bilolbek Mirzarahimovni ancha shijoat bilan mag‘lubiyatga uchratdi. U jang vaqtida menga ham ancha qiyinchilik tug‘dirdi.Eslatib o‘tamiz, Bobousmon Boturov 2020-yil mart oyida Iordaniyada o‘tkazilgan litsenzion musobaqada o‘zbekistonlik bokschilar ichida birinchilardan bo‘lib Tokio Olimpiadasiga yo‘llanmani qo‘lga kiritgandi. Qayd etish joiz, -69 kg vazn toifasida litsenzion musobaqada qatnashish uchun Shahram G‘iyosov ham da’vogarlik qilgandi. Biroq ikkala bokschi o‘rtasidagi sparring jangdan so‘ng yakunda terma jamoa murabbiylari Bobousmon Boturov nomzodida to‘xtalgandi.Ringda doim birinchi raqam ostida jang qilardim. Lekin Javlonbekning harakatini ko‘rib, unga qarshi taktika tuzib, ikkinchi raqamli bo‘lib jang qildim. Ancha shijoatli yigit ekan. Uni kelajagi porloq deb o‘ylayman. Bu chempionatda nafaqat g‘alaba qozondim, balki sport formamni ham qayta tiklab oldim. Endigi maqsadim Olimpiya o‘yinlarida munosib ishtirok etib, oltin medalni qo‘lga kiritish. Bu yo‘lda bizga barcha sharoitlarni yaratib berayotgan O‘zbekiston boks federatsiyasi, Milliy olimpiya qo‘mitasiga rahmat. Xudo xohlasa, menga ishonch bildirganlarni ishonchini oqlab, oltin medal bilan qaytishni maqsad qilganman.
Bobousmon Boturov, bokschi
Bobousmon Boturov va Shahram G‘iyosov o‘rtasidagi jangni bu yerda tomosha qilish mumkin — VIDEO.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)