Yengil vazn toifasida harakat qiluvchi UFC jangchisi Islom Maxachev (18-1) 14-noyabr kuni Las-Vegasda bo‘lib o‘tishi kerak bo‘lgan Rafael dos Anyosga (29-13) qarshi jangda ishtirok eta olmaydigan bo‘ldi.
Faqat bir jihat tinchlantiradi, taqdirga yozilgandan qochib qutila olmaymiz.Jang UFC Fight Night 182 musobaqasining asosiy voqeasi bo‘lishi kerak edi. Promoushen ayni damda Dos Anyosga raqib izlamoqda.Bu jang uchun katta kuch va vaqt sarflangandi, jismoniy formamning eng yuqori cho‘qqisida edim, biroq vazn tashlashni boshlashim bilan immunitetim pasayishni boshladi, buning natijasida meni bir oyga safdan chiqargan virus yuqtirib oldim.
Mashg‘ulot jarayonlarida bizning jamoa bu virus bilan bir necha bor to‘qnash keldi va ko‘pchilikning jangi shu sabab bekor bo‘ldi.
Bu yil faoliyatim uchun og‘ir kechdi, juda ko‘plab janglar bekor qilindi, biroq sizlarga va’da beraman: men bu kamar uchun nima bo‘lgan taqdirda ham oxirigacha boraman.
Islom Maxachev, UFC jangchisi
Maxachev va Dos Anyos o‘rtasidagi jang ham dastlab UFC 254 musobaqasida bo‘lib o‘tishi belgilangandi. Biroq braziliyalik yakkakurashchida koronavirus aniqlangani bois mazkur jang bekor bo‘lgan.
Eslatib o‘tamiz, yengil vazn chempioni Habib Nurmagomedovning amakivachchasi Umar Nurmagomedov virus yuqtirib olgani sabab 24-oktabr kunida bo‘lib o‘tgan UFC 254 musobaqasida ishtirok eta olmagandi.
Izoh (0)