Apple kompaniyasi yangi iPhone qurilmalari jamlanmasidan naushnik va quvvatlantirgichlarni olib qo‘ygani to‘g‘risida xabar berilgandi. IXBT’ning yozishicha, Samsung Galaxy S21 flagmani qutisidan simsiz naushniklar o‘rin olishi mumkin.
Manbaning so‘zlariga ko‘ra, Samsung ham Apple ortidan yangi qurilmalari jamlanmasidan oddiy simli AKG naushniklarini olib qo‘yadi, biroq uning o‘rnini to‘liq simsiz Galaxy Buds Beyond egallaydi.
Ta’kidlanishicha, Galaxy S20 lineykasining muvaffaqiyatsizligini yangi modelning savdolari bilan qoplash kerak. Texnik jihatdan yangi qurilma o‘zidan oldingi modeldan farq qilmaydi. Shu bilan birga, Samsung bundan sovg‘a orqali Apple’ga qarshi katta o‘yin boshlab, 2022-yilda jamlanmadagi naushniklardan muammosiz voz kechishi mumkin.
Ammo hozircha ushbu ma’lumotlarning barchasi mish-mish.
Avvalroq internetda Samsung Galaxy S21’ning ilk sifatli suratlari paydo bo‘lgani to‘g‘risida xabar berilgandi.
Izoh (0)