Xiaomi kompaniyasi “Pokemon” mediaolamining qahramoni — Pikachu uslubida yaratilgan Mi Air 2S simsiz naushniklarining yangi versiyasi va Mi Powerbank 3 poverbankini taqdim etdi, deb yozadi Gizmochina.
Ikkala gadjet ham sariq rangda yaratilgan bo‘lib, old tomoniga Pikachuning tasviri tushirilgan. Ularning original qurilmadan yana bir farqi — maxsus qutiga egaligida. Mi Air 2S Pikachu Edition va Mi Powerbank 3 Pikachu Edition texnik jihatdan standart versiyadan farq qilmaydi.
Shuningdek, kolleksiyadan Xiaomi’ning ryukzaki va chamadoni ham o‘rin olgan.
Xiaomi Mi Powerbank 3 Pikachu Edition narxi Xitoyda 15 dollarni tashkil etadi. Naushniklar narxi to‘g‘risida esa hozircha ma’lumot yo‘q.
Avvalroq Pokemon olamida juda noyob hisoblanuvchi Pikachu Illustrator kartochkasi auksion orqali 250 ming dollarga sotilgani to‘g‘risida xabar berilgandi.
Izoh (0)