Apple компанияси янги iPhone қурилмалари жамланмасидан наушник ва қувватлантиргичларни олиб қўйгани тўғрисида хабар берилганди. IXBT’нинг ёзишича, Samsung Galaxy S21 флагмани қутисидан симсиз наушниклар ўрин олиши мумкин.
Манбанинг сўзларига кўра, Samsung ҳам Apple ортидан янги қурилмалари жамланмасидан оддий симли АКG наушникларини олиб қўяди, бироқ унинг ўрнини тўлиқ симсиз Galaxy Buds Beyond эгаллайди.
Таъкидланишича, Galaxy S20 линейкасининг муваффақиятсизлигини янги моделнинг савдолари билан қоплаш керак. Техник жиҳатдан янги қурилма ўзидан олдинги моделдан фарқ қилмайди. Шу билан бирга, Samsung бундан совға орқали Apple’га қарши катта ўйин бошлаб, 2022 йилда жамланмадаги наушниклардан муаммосиз воз кечиши мумкин.
Аммо ҳозирча ушбу маълумотларнинг барчаси миш-миш.
Аввалроқ интернетда Samsung Galaxy S21’нинг илк сифатли суратлари пайдо бўлгани тўғрисида хабар берилганди.
Изоҳ (0)