Apple oktabr oyi taqdimotida to‘rtta smartfondan iborat iPhone 12 lineykasini taqdim etdi. Kompaniya yangilangan dizayn va zamonaviy funksiyalardan tashqari qurilma jamlanmasiga ham o‘zgartirish kiritdi. Endilikda yangi gadjetning qutisida faqat USB-C — Light’ning kabeli mavjud. Naushnik va adapter esa olib qo‘yilgan. Shu sababli eski devaysnikidan foydalanishga yoki alohida xarid qilishga to‘g‘ri keladi, deb yozadi Hi-Tech.Mail.ru.
Foto: Hi-Tech.Mail.ru
Kompaniya o‘zining mazkur qarorini ekologiya to‘g‘risida qayg‘urayotgani bilan izohlagan. Olib qo‘yilgan jamlanmalar smartfon qutisi o‘lchamining kichrayishiga sabab bo‘ladi, bu esa ularni utilizatsiya qilishda zararli chiqindilarning havoga tarqalishini kamaytiradi. Shuningdek, bu elektron chiqindilar darajasini ham pasaytirishga xizmat qiladi. Apple’ning hisob-kitoblariga ko‘ra, bu kabi o‘zgarish karbonat angidridning yiliga 2 million tonna havoga chiqishini qisqartiradi. Bu xuddi har yili yo‘llardan 450 mingta avtomobilni olib tashlashdek gap.
Bu kabi o‘zgartish faqatgina yangi flagmanlarga tegishli emas. Kompaniya o‘zining “yashil” usulini hozirda sotuvda qolgan eski smartfonlarga ham joriy etgan. Gap iPhone 11, iPhone XR va iPhone SE haqida ketmoqda.
Ishlab chiqaruvchi hozircha faqat smartfonlarning quvvatlantirish qurilmalarini olib qo‘ygan. iPad planshetlari va MacBook noutbuklari to‘liq jamlanma bilan sotilmoqda.
Avvalroq Apple to‘rtta iPhone 12 smartfoni taqdimotini o‘tkazgani, lineykadagi barcha smartfonlar 5G aloqa tarmog‘ini qo‘llab-quvvatlashi to‘g‘risida xabar berilgandi.
