Nokia kompaniyasi 6300 va 8000 modellarining yangi versiyalarini taqdim etib, tugmali klassik telefonlarni yangilangan dizaynda ishlab chiqarishni davom ettirish niyatida, deb xabar beradi WinFuture.
Kichkina rangli ekran va kameraga ega original Nokia 6300 2007-yili 300 yevrolik narxda biznes-telefon sifatida taqdim etilgandi. Yangi Nokia o‘zining klassik dizaynini saqlab qoladi, biroq ekran sifati yaxshilanib, zamonaviy aloqa standartlariga ega bo‘ladi.
Nokia 8000 — premium telefonlar seriyasi bo‘lib, ular orasidan zanglamaydigan po‘lat korpusga ega modellar ham o‘rin olgandi. Kompaniya aynan qaysi modelni qayta taqdim etishi noma’lum, biroq yangi telefon ham sifatli materiallardan tayyorlanadi. Aftidan, so‘nggi yillardagi eng qimmat tugmali telefon sotuvga chiqadigan ko‘rinadi.
Yangi telefonlar haqida hozircha batafsil ma’lumotlar yo‘q, ammo manbalarning ta’kidlashicha, ular yaqin haftalar ichida taqdim etilishi kerak.
Avvalroq Nokia kompaniyasi 2009-yilda ommalashgan Nokia 6700 ko‘rinishida yaratilgan hamyonbop 224 4G modelini taqdim etgani ma’lum bo‘lgandi.
Izoh (0)