O‘tgan bir kecha-kunduzda Fransiyada koronavirus yuqtirish bilan bog‘liq 52 518 ta yangi holat qayd etildi, bu mamlakatda butun pandemiya davri uchun rekord ko‘rsatkich hisoblanadi, deb xabar bermoqda “RBK” Fransiya hukumatiga tayanib.
Bundan avvalgi rekord 25-oktabr kuni o‘rnatilgan, o‘shanda mamlakatda 52 010 kishi virusni yuqtirgan edi.
O‘tgan sutkada mamlakatda infeksiya tashxisi qo‘yilgan 416 kishi vafot etgan. 877 kishi sog‘aygan.
Butun pandemiya davrida Fransiyada 1 466 433 kishi koronavirus bilan kasallangan. Mamlakat bo‘ylab jami 37 435 kishi kasallik tufayli hayotdan ko‘z yumgan.
30-oktabrdan Fransiya hukumati virusga qarshi yangi cheklovlarni kiritdi. Maktablar, korxonalar o‘z ishini davom ettiradi. Qariyalar uylariga tashrif buyurish mumkin. Ammo ko‘ngilochar markazlar, bar, restoran va kafelar yopiladi va ommaviy tadbirlar bekor qilinadi. Cheklovlar 1-dekabrgacha amal qiladi.
Mavzuga doir:
Izoh (0)