Ўтган бир кеча-кундузда Францияда коронавирус юқтириш билан боғлиқ 52 518 та янги ҳолат қайд этилди, бу мамлакатда бутун пандемия даври учун рекорд кўрсаткич ҳисобланади, деб хабар бермоқда «РБК» Франция ҳукуматига таяниб.
Бундан аввалги рекорд 25 октябрь куни ўрнатилган, ўшанда мамлакатда 52 010 киши вирусни юқтирган эди.
Ўтган суткада мамлакатда инфекция ташхиси қўйилган 416 киши вафот этган. 877 киши соғайган.
Бутун пандемия даврида Францияда 1 466 433 киши коронавирус билан касалланган. Мамлакат бўйлаб жами 37 435 киши касаллик туфайли ҳаётдан кўз юмган.
30 октябрдан Франция ҳукумати вирусга қарши янги чекловларни киритди. Мактаблар, корхоналар ўз ишини давом эттиради. Қариялар уйларига ташриф буюриш мумкин. Аммо кўнгилочар марказлар, бар, ресторан ва кафелар ёпилади ва оммавий тадбирлар бекор қилинади. Чекловлар 1 декабргача амал қилади.
Изоҳ (0)