AQShning Nyu-Gempshir shtati Diksvill-Notch shahri fuqarolari mamlakat prezidenti saylovida ovoz berdi, deb yozadi “RBK”.
Bu shaharchada 1960-yildan buyon birinchi bo‘lib saylovlarda ovoz berish boshlanadi, u yarim tundan o‘tgach darhol (Toshkent vaqti bilan 10:00)da The Balsams mehmonxonasida ochildi.
Ovoz berish yakunlari shu zahoti hisoblab chiqiladi, bu yil shaharchaning barcha besh nafar aholisi ham Demokratlar partiyasidan nomzod Jo Baydenni qo‘llab-quvvatladi.
Nyu Gempshirda ikkinchi shaharcha — Milsfild ham ovoz berib bo‘ldi. Uning 16 nafar aholisi amaldagi prezident Donald Trampni, besh nafari — Baydenni qo‘llab-quvvatladi.
AQSh prezidenti saylovida g‘olib to‘g‘ridan to‘g‘ri saylovchilar tomonidan emas, balki saylovchilar kollegiyasi tomonidan aniqlanadi. Jami saylovchilar 538 kishi, g‘alaba uchun 270 kishining ovozi kerak. Saylovchilar soni har bitta shtatda aholi soniga mos ravishda taqsimlanadi — eng ko‘p aholi yashaydigan Kaliforniya shtati 55 saylovchiga ega. Ikkinchi eng yirik shtat — Texasda 38 saylovchi, Nyu-York va Floridada — 29 tadan saylovchi bor. Ikki pog‘onali tizimni hisobga olganda, nomzod umummilliy darajada kamroq ovoz to‘plasa ham, muayyan shtatlardagi g‘alabasi hisobiga saylovda g‘olib bo‘lishi mumkin.
Izoh (0)