Futbol bo‘yicha Coca-Cola Superliganing 22-turida “Paxtakor” 1-noyabr, yakshanba kuni Olmaliqda OKMK mehmoni bo‘ldi.
Shota Arveladze shogirdlari birinchi bo‘limdayoq olmaliqliklar darvozasiga javobsiz to‘rtta gol urdi. 24-daqiqada Jaloliddin Masharipov hisobni ochgan bo‘lsa, 32-daqiqada Doston Hamdamov jamoasining ikkinchi golini urdi. Birinchi bo‘lim yakunlanishi arafasida Igor Sergeyev hisobni yirik ko‘rinishga olib keldi. Bo‘limga qo‘shib berilgan vaqtda Mate Vatsadze o‘z darvozasini ishg‘ol qilib qo‘ydi.
Tanaffusdan keyin “sherlar” yana ikkita to‘p kiritishga muvaffaq bo‘ldi. 60-daqiqada Dragan Cheran o‘z hisobiga gol yozdirib qo‘ydi. 71-daqiqada esa Hamdamov dublni rasmiylashtirdi.
“Paxtakor” ushbu g‘alabadan keyin ochkolarini 56 taga yetkazib oldi va eng yaqin ta’qibchisini 10 ochkoga ortda qoldirgan holda birinchi o‘rinda ketmoqda. Mirjalol Qosimov jamoasi (42) 3-o‘ringa joylashgan.
OKMK keyingi turda “Lokomotiv” mehmoni bo‘lsa, “Paxtakor” o‘zida “Qo‘qon-1912”ni qabul qiladi.
Coca-Cola Superliga
22-tur bahsi
1-noyabr, yakshanba
OKMK — “Paxtakor” 0:6
Gollar: 0:1 – 24 Masharipov, 0:2 – 32 Hamdamov, 0:3 – 43 Sergeyev, 0:4 – 45+2, avtogol Vatsadze, 0:5 – 60 Cheran, 0:6 – 71 Hamdamov.OKMK: Suhrob Sultonov, Akmal Shorahmedov (Mirg‘iyos Sulaymonov, 78), Bobur Yo‘ldoshev, Sardor Rahmonov, Murod Toshmatov, Yovan Jokich, Dilshod Jo‘rayev (Arslonmurat Amanov, 61), Sanjar Tursunov (Shahzod Nurmatov, 82), Jasur Umarov, Elguja Grigalashvili (Saydullo Rahmatov, 78), Mate Vatsadze (Zafar Polvonov, 61).
“Paxtakor”: Eldorbek Suyunov, Hojiakbar Alijonov (Akrom Komilov, 64), Sherzod A’zamov, Yegor Krimets (Anzur Ismoilov, 72), Farruh Sayfiyev, Odil Hamrobekov, Sardor Sobirxo‘jayev (Vladimir Kozak, 74), Doston Hamdamov, Dragan Cheran (Javohir Sidiqov, 64), Jaloliddin Masharipov, Igor Sergeyev (Eren Derdiyok, 72).
Ogohlantirishlar: Jokich (54), Toshmatov (79).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)