“Real” Ispaniya chempionatining 8-turida “Ueska”ni yirik hisobda mag‘lub etdi (4:1).
Mazkur bahsda jamoani sardor sifatida maydonga boshlab chiqqan Serxio Ramos o‘zining La Ligada 500-o‘yinini o‘tkazdi.
Ispaniyalik futbolchi shulardan 461 tasini “Real” safida, 39 tasini esa “Sevilya” tarkibida o‘tkazgan.
Opta xabariga ko‘ra, Ramos La Ligada 500 ta uchrashuv o‘tkazgan o‘ninchi o‘yinchi va uchinchi himoyachiga aylangan. Qayd etish joiz, La Ligada 500 ta o‘yin o‘tkazgan futbolchilar orasida Raul, Fransisko Buyo, Iker Kasilyas va Xavi singari mashhur nomlarni ham uchratish mumkin.
Ramos Ispaniya chempionatining 2020/21-yilgi mavsumida 7 o‘yin o‘tkazib, 2 bor raqiblar darvozasini ishg‘ol qildi. Uning “qirollik klubi” bilan amaldagi shartnomasi kelasi yili o‘z nihoyasiga yetadi.
Izoh (0)