Футбол бўйича Coca-Cola Суперлиганинг 22-турида «Пахтакор» 1 ноябрь, якшанба куни Олмалиқда ОКМК меҳмони бўлди.
Шота Арвеладзе шогирдлари биринчи бўлимдаёқ олмалиқликлар дарвозасига жавобсиз тўртта гол урди. 24-дақиқада Жалолиддин Машарипов ҳисобни очган бўлса, 32-дақиқада Достон Ҳамдамов жамоасининг иккинчи голини урди. Биринчи бўлим якунланиши арафасида Игор Сергеев ҳисобни йирик кўринишга олиб келди. Бўлимга қўшиб берилган вақтда Мате Вацадзе ўз дарвозасини ишғол қилиб қўйди.
Танаффусдан кейин «шерлар» яна иккита тўп киритишга муваффақ бўлди. 60-дақиқада Драган Черан ўз ҳисобига гол ёздириб қўйди. 71-дақиқада эса Ҳамдамов дублни расмийлаштирди.
«Пахтакор» ушбу ғалабадан кейин очколарини 56 тага етказиб олди ва энг яқин таъқибчисини 10 очкога ортда қолдирган ҳолда биринчи ўринда кетмоқда. Миржалол Қосимов жамоаси (42) 3-ўринга жойлашган.
ОКМК кейинги турда «Локомотив» меҳмони бўлса, «Пахтакор» ўзида «Қўқон-1912»ни қабул қилади.
Coca-Cola Суперлига
22-тур баҳси
1 ноябрь, якшанба
ОКМК — «Пахтакор» 0:6
Голлар: 0:1 – 24 Машарипов, 0:2 – 32 Ҳамдамов, 0:3 – 43 Сергеев, 0:4 – 45+2, автогол Вацадзе, 0:5 – 60 Черан, 0:6 – 71 Ҳамдамов.ОКМК: Суҳроб Султонов, Акмал Шораҳмедов (Мирғиёс Сулаймонов, 78), Бобур Йўлдошев, Сардор Раҳмонов, Мурод Тошматов, Ёван Жокич, Дилшод Жўраев (Арслонмурат Аманов, 61), Санжар Турсунов (Шаҳзод Нурматов, 82), Жасур Умаров, Элгужа Григалашвили (Сайдулло Раҳматов, 78), Мате Вацадзе (Зафар Полвонов, 61).
«Пахтакор»: Элдорбек Суюнов, Ҳожиакбар Алижонов (Акром Комилов, 64), Шерзод Аъзамов, Егор Кримец (Анзур Исмоилов, 72), Фарруҳ Сайфиев, Одил Ҳамробеков, Сардор Собирхўжаев (Владимир Козак, 74), Достон Ҳамдамов, Драган Черан (Жавоҳир Сидиқов, 64), Жалолиддин Машарипов, Игор Сергеев (Эрен Дердийок, 72).
Огоҳлантиришлар: Жокич (54), Тошматов (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)