Toshkent shahrining Sergeli tumanida yuk mashinasi yo‘lning belgilanmagan qismidan o‘tayotgan piyodani bosib ketdi, deya xabar bermoqda YHXBB.
Ma’lum qilinishicha, 2020-yil 20-oktabr kuni soat 10:00 larda Sergeli tumani Yangi Qo‘yliq ko‘chasi “Davr bank” binosi qarshisida 1983-yilda tug‘ilgan A.A. ismli haydovchi MAN rusumli yuk transport vositasini boshqarib kelib svetoforning taqiqlovchi qizil chirog‘ida to‘xtagan.
Yuk mashinasi haydovchisi yashil chiroq yonishi bilan yana harakatini davom ettirayotganida qatnov qismining belgilanmagan joyidan kesib o‘tayotgan 1961-yilda tug‘ilgan M.Y. ismli piyodani ko‘rmay qolib bosib ketgan.
Natijada 59 yoshli piyoda olgan tan jarohatlari oqibatida voqea joyida vafot etgan. Hozirda mazkur holat yuzasidan tergov harakatlari olib borilmoqda.
Avvalroq Surxondaryoda yo‘lni kesib o‘tayotgan ikki piyodani yuk mashinasi urib ketgani haqida xabar berilgandi.
Mavzuga doir:
- Farg‘onada yuk mashinasi yo‘l chetida ketayotgan piyodani urib yubordi. Jabrlanuvchi shifoxonada vafot etdi
- Navoiyda Nexia yo‘ldan o‘tayotgan shifokorni urib ketdi. Jabrlanuvchi shifoxonada vafot etdi
- Jizzaxda piyodani urib ketib, voqea joyidan qochgan Isuzu haydovchisi qo‘lga olindi. Jabrlanuvchi voqea joyida vafot etgan
Izoh (0)