Samarqand viloyati Jomboy tumanida yuk mashinasining orqa qismiga Lacetti urilishi oqibatida 2 kishi halok bo‘ldi, deya xabar bermoqda YHXBB.
Qayd etilishicha, 2020-yil 19-oktabr kuni soat 06:30 larda Samarqand viloyati Jomboy tumani hududidan o‘tuvchi M-39 Olmaota–Toshkent–Termiz avtomobil yo‘lining 1074-kilometrida, 1982-yilda tug‘ilgan B.N. ismli Lacetti rusumli transport vositasi haydovchisi e’tiborsizlik natijasida, yo‘lning burilib olish qismida o‘zidan oldinda burilib olayotgan GAZ-5327 rusumli transport vositasining orqa qismiga urilib yo‘l-transport hodisasi sodir etgan.
Natijada Lacetti avtomashinasi haydovchisi B.N va 1987-yilda tug‘ilgan yo‘lovchisi B.Y. og‘ir darajadagi tan jarohatlari olib hodisa joyida vafot etgan.
Shuningdek, Lacetti avtomashinasi yo‘lovchilari 1975-yilda tug‘ilgan T.H. 1989-yilda tug‘ilgan T.D. hamda 1983-yilda tug‘ilgan T.B. turli tan jarohatlari bilan Jomboy tumani tibbiyot birlashmasiga yotqizilgan.
Hozirda mazkur holat yuzasidan tergov harakatlari olib borilmoqda.
Avvalroq Navoiyda voyaga yetmagan qizga mashinasini boshqarishga bergan haydovchi, Jizzaxda ikki Nexia ishtirokida sodir bo‘lgan YTH oqibatida haydovchilar, Navoiyda sodir bo‘lgan YTHda piyoda bilan birga haydovchi va Boysunda Lacetti va Cobalt to‘qnashishi oqibatida ikki kishi vafot etgani xabar qilingandi.
Izoh (0)