Navoiyda tezlikni oshirgan Nexia haydovchisi belgilanmagan joydan yo‘lni kesib o‘tayotgan piyodani urib yubordi, deya xabar bermoqda YHXBB.

Kadr: Videodan skrinshot

Qayd etilishi, 2020-yilning 6-oktabr kuni Navoiy viloyati Qiziltepa tumani “Bo‘ston” MFY hududida tuman markaziy kasalxonasi qarshisidagi chorrahadan yo‘lning belgilanmagan qismidan yugurib o‘tayotgan 49 yoshli shifokorni Nexia avtomobili haydovchisi urib yuborgan.

Zarb oqibatida svetofor ustuniga urilgan piyoda bosh jarohati va oyoq sinishi bilan kasalxonaga yuborilgan.

Jabrlanuvchi shifoxonada birinchi tez tibbiy yordam ko‘rsatilishiga qaramay vafot etgan.

Tumanda holat yuzasidan jamoatchilik ishtirokida muhokama tashkil etilib, harakat ishtirokchilariga piyoda va haydovchining majburiyatlari tushuntirilgan.