Germaniyadagi Novitec tyuning-ustaxonasi modernizatsiya qilingan noyob Ferrari Monza SP1’ni namoyish etdi. Motor ustalari V12 atmosfera dvigateli samaradorligini ko‘tarishning noodatiy usulini o‘ylab topdi — ular tutun chiqarish tizimidagi oddiy ovoz pasaytirgich o‘rniga 999 probali oltindan ishlangan mexanizmni o‘rnatdi, deb xabar beradi Motor.
Ferrari Monza oilasi har biri 100 nusxada chiqarilgan bir yoki ikki o‘rinli kolleksion spidsterlardir. Texnik jihatdan ikkala model ham 812 Superfast’ga yaqin, biroq Ferrari noyob modellari uchun ramziy ravishda dvigatel kuchini 810 ga, aylanuvchi momentlar sonini esa 719 ga oshirgan.
Novitec muhandislari Ferrari Monza’ning texnik xususiyatlarini yanada yaxshilash usulini o‘ylab topdi — poygalarda foydalaniladigan inkonel qotishmasidan ishlangan yangi gaz chiqarish tizimi 6,5 litrli V12 atmosfera dvigateli quvvatini 844 ot kuchiga va aylanuvchi moment 780 Nm ga yetkazish imkonini beradi. Qo‘shimcha haq evaziga gaz chiqarish tizimini 999 probali oltin bilan ham qoplash mumkin — bu issiqlikning samarali tarqalishiga ko‘maklashadi.
Muhandislar dvigatelga kiritilgan o‘zgartirishdan tashqari, prujinalarni sport versiyasiga, g‘ildirak diskalarini esa o‘n kegayli Vossen mahsulotlariga almashtirishni tavsiya qiladi.
Novitec interpretatsiyasidagi Ferrari Monza SP1 original modeldan ko‘ra tezroq: birinchisi soatiga yuz kilometr tezlikka 2,8 soniyada erishadi (-0,1 soniya), maksimal tezligi esa 300 km/soat. Bundan tashqari, ta’kidlanishicha, qayta sozlangan motorning elastikligi ancha yuqori.
Dizaynerlar Ferrari Monza interyeriga o‘zgatirish kiritmaslikka qaror qilgan, biroq buyurtmachining xohishdan kelib chiqib, o‘rindiqlar va rulni istalgan charm yoki alkantara bilan qoplab berish mumkin.
Novitec tyuningi bir o‘rinli Monza SP1 va ikki eshikli Monza SP2’lar uchun mos keladi. Jamlanma narxi oshkor etilmagan.
Mavzuga doir: AQShda yagona nusxada yaratilgan Ferrari yana sotuvga qo‘yildi. Unga uch yildan buyon xaridor chiqmayapti
Izoh (0)