2020-yilning oktabr oyi oxirlarida Alfa Romeo B.A.T 5, 7 va 9 konseptual avtomobillari RM Sotheby’s auksioni orqali sotuvga qo‘yiladi. O‘tgan asrning 50-yillariga tegishli uchta mashina bitta lot orqali sotiladi, deb xabar beradi Motor.
Alfa Romeo Berlina Aerodinamica Tecnica nomi ostida chiqarilgan “trio” Italiyaning Bertone atelyesi tomonidan yaratilgan bo‘lib, kuzovlari aerodinamik sohasidagi so‘nggi yangiliklar bilan o‘zgartirilgan. Shu bilan birga, model ko‘rsatkichlari har safar yaxshilanib borgan: besh raqami ostidagi kupening qarshilik koeffitsiyenti 0,23 ga, Alfa Romeo B.A.T. 7’niki esa — 0,19 ga teng.
1953-yilda ishlab chiqarilgan B.A.T.ning yurish qismi Alfa Romeo 1900 Sprint’niki kabi va 90 ot kuchiga ega to‘rt silindrli motorga ega bo‘lgan. Mashina soatiga 200 kilometr tezlikka qadar harakatlana oladi. B.A.T. 7 esa bir yil keyinroq taqdim etilgan bo‘lib, “beshinchi” modeldan ingichka havo o‘tkazuvchi panjaralari, pastroq kapoti va uzaytirilgan quyruq qanotlari bilan ajralib turadi.
Mavzuga doir: AQShdagi garajlarning biridan 40 yil harakatsiz saqlangan 5 ta Alfa Romeo kolleksiyasi topildi (foto)
Uchta avtomobilning eng so‘nggisi — Alfa Romeo B.A.T. 9 1955-yilda ishlab chiqarilgan bo‘lib, “tovar” modeliga maksimal o‘xshash. Avtomobil firmaning radiator panjarasiga ega bo‘lgan, old optikasi ko‘tarilib yonga siljigan, orqa qanotlari esa kichraytirilgan.
Uchala avtomobilni 1989-yilda ismi oshkor etilmagan xaridor sotib olgan. Oradan 30 yil o‘tib mashinalar 28-oktabr kuni o‘tkaziladigan auksionda sotiladi. Ushbu “trio” 14-20 million dollar oralig‘ida baholanmoqda. Xaridor bonus sifatida bir nechta kartinaga, jumladan, taniqli abstraksionist Mark Rotkoning kartinalariga ega bo‘ladi.
Izoh (0)