Тошкент шаҳрининг Сергели туманида юк машинаси йўлнинг белгиланмаган қисмидан ўтаётган пиёдани босиб кетди, дея хабар бермоқда ЙҲХББ.
Маълум қилинишича, 2020 йил 20 октябрь куни соат 10:00 ларда Сергели тумани Янги Қўйлиқ кўчаси «Давр банк» биноси қаршисида 1983 йилда туғилган А.А. исмли ҳайдовчи MAN русумли юк транспорт воситасини бошқариб келиб светофорнинг тақиқловчи қизил чироғида тўхтаган.
Юк машинаси ҳайдовчиси яшил чироқ ёниши билан яна ҳаракатини давом эттираётганида қатнов қисмининг белгиланмаган жойидан кесиб ўтаётган 1961 йилда туғилган М.Ю. исмли пиёдани кўрмай қолиб босиб кетган.
Натижада 59 ёшли пиёда олган тан жароҳатлари оқибатида воқеа жойида вафот этган. Ҳозирда мазкур ҳолат юзасидан тергов ҳаракатлари олиб борилмоқда.
Аввалроқ Сурхондарёда йўлни кесиб ўтаётган икки пиёдани юк машинаси уриб кетгани ҳақида хабар берилганди.
Мавзуга доир:
- Фарғонада юк машинаси йўл четида кетаётган пиёдани уриб юборди. Жабрланувчи шифохонада вафот этди
- Навоийда Nexia йўлдан ўтаётган шифокорни уриб кетди. Жабрланувчи шифохонада вафот этди
- Жиззахда пиёдани уриб кетиб, воқеа жойидан қочган Isuzu ҳайдовчиси қўлга олинди. Жабрланувчи воқеа жойида вафот этган
Изоҳ (0)