Ko‘p masalliq ketmaydigan va mazasi og‘izda qoladigan brizol retsepti

Yana bir mazali taom retsepti bilan tanishing. Uning yoqimli ta’mi og‘zingizda qolishi shubhasiz.

Kerakli mahsulotlar:

• Qiyma – 400 gr;
• Tuxum – 5 dona;
• Piyoz – 1 dona;
• Un – 1 osh qoshiq;
• O‘simlik yog‘i;
• Tuz, murch

1. Maydalangan piyoz bilan qiyma aralashtirilib, ta’bga ko‘ra murch, tuz qo‘shiladi. Hosil bo‘lgan massaga bitta tuxum qo‘shiladi va aralashma 4 ta teng bo‘lakka bo‘linadi.
2. Bitta tuxum chaqilib, biroz ko‘pirtiriladi. Yuzasi tekis idishga yoyiladi.
3. Qiymali aralashmaning bir qismi yuzasi un sepilgan tova o‘lchamidagi idishga yoyiladi. Qiymali aralashmani qandolat qog‘ozi ustiga yoysa ham bo‘ladi, sababi uni ajratib olish oson bo‘ladi.
4. Tovaga ikki osh qoshiq o‘simlik yog‘i quyildi. Qiymali qatlamni tuxum yoyilgan idish ustiga qo‘yiladi va asta tovaga surib joylashtiriladi. Tuxum pastda, ustida esa qiyma bo‘lishi kerak. Tuxum pishib qizargandan so‘ng qiyma bilan tuxum aylantiriladi.
5. Qolgan bo‘laklar ham xuddi shu tarzda pishiriladi.
6. Tayyor bo‘lgan brizol o‘rtasidan bukiladi va ustiga ko‘katlar sepiladi. Brizolning ichiga sabzavot yoki qo‘ziqorinli “nachinka” ham solish mumkin.