Lavashdan kartoshka va pishloqli yegulik retsepti

Lavashning qovurilib kisir-kisir pishgan xamiri va ichidagi sarimsoq qo‘shib tayyorlangan “nachinka” ta’mi og‘zingizda qolishi aniq.

Quyidagi mahsulotlar kerak bo‘ladi:

• Kartoshka — 500 gr
• Pishloq — 100 gr
• Ko‘katlar ta’bga ko‘ra
• Sarimsoq piyoz — 1 dona
• Lavash xamiri — 200 gr
• Tuz, murch — ta’bga ko‘ra
• O‘simlik yog‘i

• Kartoshkadan pyure tayyorlab oling.
• Pyurega qirg‘ichdan chiqarilgan pishloq, shivit qo‘shing.
• Maydalangan sarimsoq, tuz va murch qo‘shib aralashtiring.
• Lavash xamirini 17x10 o‘lchamda, to‘g‘ri to‘rtburchak shaklda kesib oling.
• “Nachinka”ni xamir ichiga uzunasiga solib naycha shaklida o‘rang.
• Qizigan o‘simlik yog‘iga solib, qizg‘ish tusga kirgunicha qovuring.
• Tayyor taomni sous bilan dasturxonga tortish tavsiya qilinadi.