Jerrard, Mur, Karrager. Angliya Premyer Ligasida g‘olib bo‘la olmagan yulduzlar (foto)

Buyuk Britaniyaning Sky Sports nashri Angliya chempionligini qo‘lga kirita olmagan yulduz futbolchilar ro‘yxatini tuzib chiqdi.

Unga ko‘ra, birinchi o‘rin “Vest Hem” klubi va Angliya terma jamoasi sobiq sardori Bobbi Murga tegishli bo‘ldi. Mur klub miqyosida Angliya Kubogi (1964-yil) va Kubok egalari Kubogida (1965) g‘olib chiqqan.

Ikkinchi o‘rin “Liverpul” sobiq yarim himoyachisi Stiven Jerrardga nasib etdi. Mersisaydliklar safidagi 17 yilda Jerrard to‘qqizta sovringa ega chiqqan, biroq ular orasida APL bosh sovrini yo‘q.

Uchinchi o‘rindan “Tottenhem” sobiq yarim himoyachisi Pol Gaskoyn o‘rin oldi. Afsonaviy futbolchi 1991-yilda Angliya Kubogida zafar quchgan, xolos.

Angliya chempioni bo‘lolmagan futbolchilar top-10 taligi:

1. Bobbi Mur (“Vest Hem”, “Fulhem”)

2. Stiven Jerrard (“Liverpul”)

3. Pol Gaskoyn (“Nyukasl”, “Tottenhem”, “Midlsbro”, “Everton”)

4. Jeff Herst (“Vest Hem”, “Stok Siti”)

5. Gari Lineker (“Lester”, “Everton”, “Tottenhem”)

6. Jimmi Grivz (“Chelsi”, “Tottenhem”, “Vest Hem”)

7. Glenn Hoddl (“Tottenhem”, “Suindon”, “Chelsi”)

8. Jeymi Karrager (“Liverpul”)

9. Janfranko Zola (“Chelsi”)

10. Mett Le Tissye (“Sauthempton”)