UzReport telekanali futbol bo‘yicha Janubiy Koreya chempionati translyatsiya huquqini qo‘lga kiritdi. Bu haqda telekanal rasmiy saytida ma’lum qilindi.
Ta’kidlanishicha, Key-Liga chempionligi uchun asosiy da’vogarlar ishtirokidagi bahslarni translyatsiya qilish rejalashtirilgan. Telekanalning ilk namoyishi 10-may, shanba kuni bo‘lib o‘tadigan “Kanvon” — “Seul” uchrashuvi bo‘ladi. Ikrom Aliboyev jamoasi ishtirokidagi bahs Toshkent vaqti bilan 12:30 da boshlanadi.
8-may sanasida start olgan Key-Ligada to‘rt nafar o‘zbekistonlik futbolchilar ishtirok etadi. Ular: Ikrom Aliboyev (“Seul”), Jamshid Iskandarov (“Sonnam”), Rustam Ashurmatov (“Kvanju”) va Doston Tursunov (“Pusan Ay Park”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)