Andijon viloyati Jalaquduq tuman xalq deputatlari Kengashining 4-fevral, seshanba kuni, bo‘lib o‘tgan navbatdan tashqari sessiyasida tumanning yangi hokimini tayinlash masalasi ko‘rib chiqildi. Bu haqda “Daryo” muxbiri xabar berdi.
Ma’lum qilinishicha, ayni paytga qadar viloyat xalq ta’limi boshqarmasi boshlig‘i vazifasida ishlab kelayotgan Furqat Buzrukov Jalaquduq tumani hokimi etib tayinlandi.
Furqat Buzrukov turli yillarda Andijon viloyati hokimligi iqtisodiyot va ijtimoiy rivojlantirish masalalari bo‘yicha kotibiyati yetakchi mutaxassisi, Andijon shahar pedagogika kolleji direktori, madaniyat va sport ishlari hamda o‘rta-maxsus kasb-hunar ta’limi boshqarmalari boshlig‘i lavozimlarida faoliyat yuritib kelgan. U 1985-yil 30-iyunda Andijon tumanida tug‘ilgan. Ma’lumoti oliy. 2010-yilda Andijon davlat universitetini tamomlagan.
Tumanning sobiq hokimi Sodiqjon Turdiyev Respublika “Nuroniy” jamg‘armasiga rais hamda Prezident farmoni bilan senator etib tayinlangan edi.
Izoh (0)