Qoraqalpog‘iston Respublikasi Shumanay tumani hokimi Bahodir Yangiboyev cho‘kayotgan yetti yoshli bolani qutqarib qolgan Aqilbek Qalboyevning ota-onasiga tashakkurnoma, o‘ziga qimmatbaho sovg‘alar topshirdi. Bu haqda O‘zA xabar bergan.
Voqea 2019-yil 8-dekabrda sodir bo‘lgan, ish bilan bir joyga ketayotgan Aqilbekning yoniga yosh bolalar yugurib kelib, hovuzda bir bola cho‘kayotganini bildirgan. Uning yoniga yetib borgan Aqilbek darhol o‘zini suvga otgan va bolani quruqlikka olib chiqib, unga birinchi yordam ko‘rsatgan. Bolakayning ota-onasi ham yetib kelgach, u zudlik bilan shifoxonaga olib ketilgan va hayoti saqlab qolingan.
Yosh qahramon tumandagi “Momiy” ovulining 23-umumiy o‘rta ta’lim maktabi 9-sinfida tahsil oladi. U bolalar va o‘smirlar sport maktabiga ham qatnab, kurash bilan ham shug‘ullanadi, deyiladi xabarda.
Izoh (0)