Farg‘ona viloyatining Quva tumanida bir oilaning ikki farzandi is gazidan zaharlanish oqibatida vafot etdi. Bu haqda Sog‘liqni saqlash vazirligi matbuot xizmati xabar bergan.
Xabarga ko‘ra, 5-yanvar, yakshanba kuni soat 08:30 da Farg‘ona viloyati Quva tumani “Toshkent” MFY, Qo‘rg‘oncha ko‘chasi 82-uyda istiqomat qiluvchi oilaning ikki farzandi behush holda tumandagi Shoshilinch tibbiy yordam ko‘rsatish markazining jonlantirish bo‘limiga olib kelingan.
“Farg‘ona viloyati Quva tumani Qo‘rg‘oncha ko‘chasidagi 82-uyda yashovchi oila pechkaga shlang orqali gaz tortib isitilgan, shlang pechkadan chiqib uyning linoliumli pol qismiga tushib pol yongan, bolalar divan yoniga yashiringan, ota-onalari uydan tashqarida bo‘lgan, yong‘in katta bo‘lmagani sababli ota-onasi xabarsiz qolgan, yong‘in oqibatida bolalar hushdan ketgan”, deyiladi xabarda.
2018-yilda tug‘ilgan R.X. va uning opasi 2017-yilda tug‘ilgan R.O. shifoxonaga olib kelingan vaqtda jonsiz holda bo‘lgani aniqlangan.
Mavzuga doir:
Izoh (0)