Samarqand viloyatida shifokorlar tomonidan o‘tkazilgan qasam qabul qilish marosimidan so‘ng, Samarqand viloyati hokimligi mazkur holatni to‘xtatish bo‘yicha topshiriq berdi, deb xabar beradi “Gazeta.uz”.
Ma’lum bo‘lishicha, shifokorlarning qasamyod matni tibbiyot birlashmalari xodimlari tomonidan yozilgan.
“Mazkur taklif videoselektor majlisida 9-noyabr kuni berilgan edi. Rahbariyat bizga shifokorlar so‘z berishi kerakligi haqida topshiriq berdi. Shundan so‘ng, viloyat hokimi konferens-zalda majlis yig‘ib, tibbiyot xodimlariga o‘zlari va jamiyat oldida o‘z ustida ishlashni, eski tizimdan voz kechib, xalq manfaati uchun xizmat qilishi haqida so‘z berishni aytadi. Hech kim qasam ichishni talab qilmagan. Ba’zi shifokorlar ushbu tadbirni ommaviy qilib yuborishdi. Biz darhol buni to‘xtatdik”, – deydi nashr bilan suhbatda ismini oshkor etishni istamagan suhbatdosh.
“Ularga har bir shifokor o‘zi va xalq oldida, nopok ishlarga qo‘l urmasdan ishlashi haqida so‘z berishi kerakligi aytilgan. Matnni tibbiyot birlashmalari xodimlari va bosh shifokorlar o‘ylab, o‘zi yozgan. Hokimlikning bunga aloqasi yo‘q”, — deyiladi xabarda.Qasamyod marosimi Kattaqo‘rg‘on va Jomboy tumanlarida 150 nafar hamshira va 150 nafar shifokorlar, hamda Samarqand viloyati hokimi Erkinjon Turdimov ishtirokida amalga oshirilgan.
Samarqand viloyati matbuot xizmati “tibbiyot xodimlari keng jamoatchilik oldida qasam ichgani” haqida xabar tarqatgan edi.
Bundan avval, Sirdaryoda fermerlari hokimlik, huquq-tartibot idoralari vakillari ishtirokida shu mazmunda qasamyod qabul qilgani haqida xabar berilgandi.
Izoh (0)