O‘zaloqanazorat: Farg‘onada Unitel’ga qarashli antenna quladi. Hodisa oqibatlarini bartaraf etish bo‘yicha chora ko‘rilmadi

2018-yilning 24-noyabr kuni Farg‘ona viloyati Unitel’ MChJning “Yangi qishloq” QVP hududida joylashgan tayanch stansiyaga o‘rnatilgan antenna machta inshooti quladi. Bu haqda “Daryo”ga “O‘zaloqanazorat” axborot xizmati xabar berdi.

Natijada stansiya orqali xizmat ko‘rsatib kelingan 4 ta tayanch stansiya xizmat ko‘rsatishdan to‘xtadi. Hodisa oqibatida viloyatning Uchko‘prik tumani Toshkentli guzar, Qaqir, Qumbosti, Raxmatullo, Tojik qishloq, Mulla Zoir va O‘zbekiston tumani, Navbahor, Qozi Kalon, Qum mahalla, Oydin Buloq qishloqlari hududlarida yashovchi 2000 ga yaqin Unitel abonentlari mobil aloqa xizmatlaridan uzildi.“Unitel mobil aloqa operatori tomonidan ushbu hodisa oqibatlarini bartaraf etish, aloqa xizmatlarini tiklash bo‘yicha hozircha hech qanday chora ko‘rilmadi”, — deyiladi xabarda.“ ‘O‘zaloqanazorat’ Unitel’ga tezkor avariya tiklash ishlarini amalga oshirishni va aholiga mobil aloqa xizmatini tiklashni so‘rab taqdim etganiga ko‘rsatmasiga qaramay hozirgacha aloqa tiklanmadi”, —deyiladi xabarda.