Belgiyaning Leven universiteti olimlari Tesla Model S sedanining himoyasini buzish usulini topdi. Bu haqda “RIA Novosti” xabar berdi.
Elektrokar avtomobilga simsiz bog‘lanish orqali himoyalangan kod yuboruvchi kalit osgich yordamida yoqiladi.
Ekspertlarning aniqlashicha, mashinaning himoya tizimida zaif algoritmdan foydalaniladi. Tadqiqiotchilar mashinaga buzib kirish uchun ixtiyoriy kalit osgichdan ikkita kodni olish kerakligini tushundi. Olingan kodlar yordamida ixtiyoriy juftliklar kombinatsiyasi uchun barcha ehtimoliy kalitlarni terish mumkin. Natijada olimlar hajmi olti terabaytga teng kalitlar jadvaliga ega bo‘lgan. Kerakli kalitni esa ikki soniyadan kam vaqt ichida terishga muvaffaq bo‘lingan.
Tesla’ni “buzuvchi” to‘plamni tadqiqot mualliflari 600 dollarga baholagan. Uning tarkibiga Yard Stick One va Proxmart raqam aniqlagichlari, Raspberry Pi mini-kompyuteri, qattiq disk va bir nechta akkumulyator kirgan.
Izoh (0)