Kataloniya hukumati yo‘lovchilarni haydovchisiz tashiydigan avtobuslar harakatini yo‘lga qo‘ydi. Haydovchisiz elektrobus sinovlari bir nechta shaharda bo‘lib o‘tadi, ularning birinchisi San-Kugat-del-Valyes bo‘ldi. Bu haqda “RIA Novosti” xabar berdi.
Keyinchalik, sentabr va oktabr oylarida avtobus Tarrasa, Sabadel, Jirona, Reus, El-Vendrel, Martorel va Vik shaharlariga yo‘l oladi.
Kataloniya hukumati vakillarining ma’lum qilishicha, “kelajakning mobilligini ko‘rsatish” uchun ana shunday harakat vositalar sinovini boshlash muhim sanaladi. Shuningdek, ta’kidlanishicha, elektr transportga o‘tish yo‘lida infratuzilmani shakllantirish ham zarur.
Kataloniyada mustaqil elektrobusning sinovi fuqarolarga haydovchisiz transport bilan tanishishga imkon beradi, shuningdek, mutassaddilarga avtobusni shaharga moslashtirish uchun kerak bo‘ladigan o‘zgarishlarni tahlil qilishga yordam beradi.
Èrica nomini olgan avtobus 12 kishiga mo‘ljallangan. U jismoniy imkoniyati cheklangan kishilar uchun jihozlangan.
Izoh (0)