16-aprelning e’tiborga molik yangiliklari — “Daryo”ning kechki dayjestida.
1. 13-aprel kuni Sayxunobodda Shavkat Mirziyoyev raisligida faollar yig‘ilishi bo‘lib o‘tdi: unda Prezident sayxunobodlik otaxonni o‘z hisobidan Hajga yuborishini aytdi, ayollar, onalar rozi qilinsa, ertaga hammasi yaxshi bo‘lishini qayd etib o‘tdi, shuningdek, inson xato qilishga haqli ekanini ta’kidladi. Sardobalik bir otaxon esa Prezident bir kun televizorda ko‘rmay qolsa, sog‘inib qolishini tan oldi. Asosiy bayonot esa rahbarlarga qaratilgan.
2. “U o‘zi kelgan edi”… Bobomurod Abdulla ishi bo‘yicha tergovchilar yopiq rejimda ko‘rsatma berdi. Sudning keyingi yig‘ilishi 16-aprel kuni ochiq shaklda o‘tadi.
3. Qashqadaryodagi xonadonda yuz bergan portlashda ona-bola halok bo‘ldi. Hodisa yuzasidan surishtiruv ishlari olib borilmoqda.
4. O‘zbekistonda dollar kursi tushishda davom etmoqda. AQSh valyutasi kursi so‘nggi to‘qqiz hafta davomida faqat pastlamoqda.
5. Toshkentdagi “Oqibat” mahallasini qiynagan muammo shahar hokimining aralashuvi bilan hal etildi. “Hokimning so‘zlarini eshitgan fuqarolar qarsak chalib yubordi, ko‘pchilikning ko‘zlariga yosh qalqdi. Bu esa quvonch ko‘z yoshlari edi”.
6. “Men ham katta telefon ko‘tarib yuray degandim-da”. “Minor” masjidida ketma-ket ikki juma namozida telefon o‘g‘irlagan shaxs ushlandi. Gumonlanuvchi qilgan ishidan pushaymonligini, gunoh ish qilib qo‘yganini tan oldi.
Izoh (0)