16 апрелнинг эътиборга молик янгиликлари — «Дарё»нинг кечки дайжестида.
1. 13 апрель куни Сайхунободда Шавкат Мирзиёев раислигида фаоллар йиғилиши бўлиб ўтди: унда Президент сайхунободлик отахонни ўз ҳисобидан Ҳажга юборишини айтди, аёллар, оналар рози қилинса, эртага ҳаммаси яхши бўлишини қайд этиб ўтди, шунингдек, инсон хато қилишга ҳақли эканини таъкидлади. Сардобалик бир отахон эса Президент бир кун телевизорда кўрмай қолса, соғиниб қолишини тан олди. Асосий баёнот эса раҳбарларга қаратилган.
2. «У ўзи келган эди»… Бобомурод Абдулла иши бўйича терговчилар ёпиқ режимда кўрсатма берди. Суднинг кейинги йиғилиши 16 апрель куни очиқ шаклда ўтади.
3. Қашқадарёдаги хонадонда юз берган портлашда она-бола ҳалок бўлди. Ҳодиса юзасидан суриштирув ишлари олиб борилмоқда.
4. Ўзбекистонда доллар курси тушишда давом этмоқда. АҚШ валютаси курси сўнгги тўққиз ҳафта давомида фақат пастламоқда.
5. Тошкентдаги «Оқибат» маҳалласини қийнаган муаммо шаҳар ҳокимининг аралашуви билан ҳал этилди. «Ҳокимнинг сўзларини эшитган фуқаролар қарсак чалиб юборди, кўпчиликнинг кўзларига ёш қалқди. Бу эса қувонч кўз ёшлари эди».
6. «Мен ҳам катта телефон кўтариб юрай дегандим-да». «Минор» масжидида кетма-кет икки жума намозида телефон ўғирлаган шахс ушланди. Гумонланувчи қилган ишидан пушаймонлигини, гуноҳ иш қилиб қўйганини тан олди.
Изоҳ (0)