Isroil razvedka xizmatlari Avstraliyada fuqarolik samolyotiga qarshi terakt oldini olishga yordam berdi. Bu haqda yahudiy mamlakati bosh vaziri Binyamin Netanyaxu ma’lum qildi, deb yozadi “TASS”.
“Isroil razvedka xizmatlari Avstraliya samolyotini yo‘q qilishga urinish oldini oldi, bu esa favqulodda ommaviy qotillik bo‘lgan bo‘lardi, — dedi Isroil bosh vaziri. — Bu terakt global havo qatnovida ulkan inqirozni yuzaga keltirgan bo‘lardi, bu esa butun dunyo bo‘ylab biz oldini olgan o‘nlab teraktlarning bittasi xolos”.
Netanyaxuning fikricha, “nafaqat Isroil fuqarolarini, balki butun dunyo fuqarolarini himoya qilayotgan Isroil razvedkasi faoliyatiga yuqori baho berish zarur”.
Nashr eslatishicha, avvalroq Isroil mudofaa armiyasi ular taqdim etgan razvedka ma’lumotlari IShID Avstraliyada tayyorlagan terakt oldini olishda yordam berganini ma’lum qilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)