Harbiy fanlari doktori, Rossiya raketa va artilleriya fanlar akademiyasining muxbir a’zosi, birinchi rang kapitani Konstantin Sivkov insoniyatni kosmosdan keladigan hujumlarga qarshi tayyorgarlik ko‘rishga chaqirdi. Ekspertning maqolasi “VPK”da e’lon qilindi.
Sivkovning hisoblashicha, yerliklar asteroidlarga qarshi qurolni yaratishga kirishishi kerak. Uning fikricha, sayyoraga yirik asteroidning qulashi butun insoniyat uchun xavf tug‘diradi: “Insoniyatning biologik tur sifatida yo‘qolib ketishidan oldida bizning barcha geosiyosiy, xususan, mayda qarama-qarshi harakatlarimiz yosh bolalarning o‘yinchoq uchun talashishiga o‘xshaydi”.
Ekspert asteroidlarni yo‘q qilish uchun ularga termoyadroli kallakcha o‘rnatilgan raketalarni yo‘naltirish kerak demoqda. Uning aytishicha, xavfli osmon jismlarini Yerdan 240 ming kilometr uzoqlikda yo‘q qilish kerak, jangovar kallakchalar quvvati esa 100—200 megatonnaga teng bo‘lishi lozim.
Sivkov o‘z takliflarini bemalol amalga oshirish mumkin deya hisoblamoqda.
“Chuqur hisob-kitoblar shuni ko‘rsatdiki, bularning barchasi uchun hozirgi Amerika harbiy budjetining 25—30 foizi talab qilinadi. Ushbu mablag‘larni jahon hamjamiyati ko‘tara oladi, buning ustiga ularni birdagina emas, 7—9 yil davomida ajratish lozim”, — deydi ekspert.
AQSh harbiy budjetining 2018-yil uchun Donald Tramp tomonidan tasdiqlangan qiymati 700 milliard dollarni tashkil etadi, Sivkovning taklifini amalga oshirish uchun esa 175—210 milliard dollar yetadi.
Izoh (0)