Britaniya qirolichasi Yeliaveta II Londondagi moda haftaligida ishtirok etdi, deb yozadi Mirror.
Qirolicha haftalikda modelyer Richard Kuin asos solgan Richard Quinn brendining yangi to‘plami namoyish etilayotgan paytda kelgan.
Yelizaveta II defilening birinchi qatorida Vogue jurnalining Britaniyada chop etiladigan talqini bosh muharriri Anna Vintur bilan birga o‘tirgan.
Ekspertlarning qayd etishicha, namoyishga Anna Vintur yorqin rangli gulli matodan tikilgan yozgi ko‘ylak kiyib kelgan va qirolicha bilan suhbatlashayotganida ham qora ko‘zoynagini yechmagan. Bu esa axloq normalariga to‘g‘ri kelmaydi, deyiladi xabarda.
Namoyishdan so‘ng qirolicha Richard Kuinga dizayn uchun Yelizaveta II rasmiy mukofotini topshirgan. Mukofot qirolichaning shaxsiy dizayneri Anjela Kelli tomonidan tayyorlangan.
Izoh (0)