Rossiyaning Krasnoyarsk o‘lkasida Honda miniveni “KamAZ” yuk mashinasi bilan to‘qnashib ketishi oqibatida sakkiz kishi halok bo‘ldi. Bu haqda Rossiya IIVning Krasnoyarsk o‘lkasi bo‘yicha bosh boshqarmasi xabar qildi.
Boshqarma ma’lumotlariga ko‘ra, yo‘l-transport hodisasi 10-fevral kuni Dzerjinskiy tumanidagi “Kansk—Taseyevo—Ustye” trassasining 70-kilometrida, erta tongda sodir bo‘lgan. Halok bo‘lganlar orasida Honda avtomobilining 43 yoshli haydovchisi, shuningdek, 31 va 32 yoshda bo‘lgan ikki nafar erkak, 27 va 29 yoshda bo‘lgan ikki nafar ayol, 2017-yilda tug‘ilgan ikki nafar bolakay hamda 17 yoshli qiz bor.
Voyaga yetmaganlarning o‘limiga olib kelgan mazkur yo‘l-transport hodisasi nima sababdan sodir bo‘lganligi yuzasidan xizmat tekshiruvi o‘tkazish belgilangan.
Izoh (0)