Novosibirskda tojikistonlik 37 yoshli Umar Samiyev 17 yil qamoq jazosiga hukm qilindi. Bu haqda EADaily xabar berdi.
Uzoq Sharq okrug sudi Samiyev IShIDga a’zo bo‘lgani va Novosibirskda teraktlar uyushtirishni rejalashtirganini qayd etdi.
Samiyev Rossiyaga 2013-yilda ko‘chib kelgan va oilasi bilan shahar chetidagi kvartirada ijarada yashagan. Qurilishda mehnat qilgani, ishdan keyin esa bomba yaratish ustida ishlagani bildirilmoqda.
U FXX xodimlari tomonidan 2016-yil avgustida IShIDga aloqadorligi aniqlanganidan so‘ng qo‘lga olindi. Bungacha masofadan boshqariladigan portlovchi qurilmalar tayyorlash, hatto sinov portlashi o‘tkazishga ham ulgurgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)