Dog‘iston bosh vaziri vazifasini vaqtincha bajaruvchi Abdusamad Gamidov so‘roq qilish uchun Federal xavfsizlik xizmatiga keltirildi, deb yozadi “RBK”. Uning uyi esa tintuv qilinmoqda.
Ba’zi ma’lumotlarga ko‘ra, tezkor tadbirlar bosh vazir o‘rinbosarlari — Shamil Isayev va Rayudin Yusufovning uylarida ham olib borilmoqda.
Bosh vazir vazifasini bajaruvchi tezkor tadbirlar doirasida tushuntirishlar berishi kerak. Yusufovni ham so‘roq uchun olib ketishgani aytilmoqda.
Mansabdorlarning uylaridagi tergov tadbirlari, nashr manbasiga ko‘ra, FXX tekshiruv komissiyasi ishi doirasida olib borilmoqda. “Bunda gap vakolatlarning suiiste’mol qilinishi haqida bormoqda”, — deya qo‘shib qo‘ydi u.
Keng ko‘lamli prokurorlik tekshiruvi Dog‘istonda o‘tgan oyda boshlandi. Respublika rahbari vazifasini bajaruvchi Vladimir Vasilyevning tashabbusi bilan respublikaga korrupsiya va xizmat vakolatlarini suiiste’mol qilish faktlarini aniqlash uchun IIV va FXX markaziy apparatidan tergovchilar keldi. Jinoiy ish doirasida Maxachqal’a meri va shahar bosh me’mori hibsga olindi. Shuningdek, “noma’qul” ishlari uchun ta’lim hamda yer munosabatlari vazirlari ishdan chetlatildi.
Izoh (0)