Kuvayt fuqarosi uch arab davlatini Twitter orqali haqorat qilgani uchun 31 yil qamoq jazosi oldi

Kuvayt fuqarosi Abdulla as-Saloh mamlakat sudi tomonidan ijtimoiy tarmoqlarda Saudiya Arabistoni, Bahrayn va Birlashgan Arab amirliklarini haqorat qilgani uchun jami 31 yil qamoq jazosiga hukm qilindi. Bu haqda “RIA Novosti” xabar bermoqda.

Mahalliy Al Qabas nashriga ko‘ra, Abdulla as-Saloh o‘tgan yil iyunidagi Qatar bilan munosabatlarni uzish qarorlari tufayli Twitter va YouTube’da Saudiya Arabistoni, Bahrayn va BAA rasmiylariga qarshi fikr bildirgan. Bundan oldin u yarim yil davomida Qatarda yashagandi.

“Jinoiy sud Abdulla as-Salohni Twitter orqali BAAni haqorat qilgani uchun 5 yil qamoq jazosiga hukm qildi. Mazkur hukmdan so‘ng uning umumiy jazo muddati 31 yilni tashkil etdi”, — deya xabar beradi gazeta.

Sud ayblanuvchi Buyuk Britaniyaga qochgani va mamlakat rasmiylaridan siyosiy boshpana so‘ragani sababli sirtdan hukm chiqardi.