Amerikaning Berkshire Hathaway xoldingi rahbari milliarder Uorren Baffetning o‘rinbosarligiga ikki asosiy nomzod aniqlandi. Bu haqda 10-yanvar kuni The Wall Street Journal gazetasi ma’lum qildi, deb yozadi “TASS”.
Berkshire Hathaway’ning qayta sug‘urtalash biznesi bo‘yicha rahbar Adjit Jeyn va energetika bo‘limi rahbari Greg Abel xolding direktorlar kengashida yaqinda yaratilgan lavozimlarga tayinlandi. “Ular endi Berkshire’da vorislik masalasida ikki asosiy figura hisoblanadi”, — deydi 87 yoshli Baffet.
Baffet 10-yanvar kuni CNBC telekanali efirida sog‘lig‘i mustahkam ekanligi va u yaqin kelajakda xolding direktorlar kengashi raisi va bosh ijrochi direktori lavozimlarini tark etishni rejalashtirmaganligini ma’lum qildi. Biroq milliarder Berkshire Hathaway rahbarligida yana 10 yil juda uzoq muddat ekanligini bildirdi.
Beffet boshqaruvidagi Berkshire Hathaway xoldingi yillar davomida 80 ga yaqin kompaniyadan iborat konglomeratga aylandi. Ular sug‘urta, investitsiya, mebel, zargarlik buyumlari, kiyim-kechak va oziq-ovqat ishlab chiqarish va sotish sohalarida faoliyat ko‘rsatadi.
Izoh (0)