AQSh prezidenti Donald Tramp inauguratsiyasiga bir yil to‘lishi munosabati bilan ikki kishiga kechki taomni o‘zi bilan birga tanovul qilishi imkoniyatini beruvchi lotereyani e’lon qildi, deb xabar beradi “Korrespondent.net”.
“Tarixiy inauguratsiyamizning bir yilligi munosabati bilan o‘tkaziladigan kechada kechki taomni men, oila a’zolarim va do‘stlarim bilan tanovul qiling”, — deyiladi Trampning xabarnomasida.
Lotereyada qatnashish uchun prezidentning siyosiy faoliyatiga xayriya qilish zarur. Xayriyaning minimal miqdori uch dollarni, maksimal miqdori 2,7 ming dollarni tashkil etadi.
AQSh qonunchiligi bo‘yicha faqat mamlakat fuqaroligiga ega shaxslar siyosatchilarga xayriya qilishi mumkin.
Inauguratsiyaning bir yilligi munosabati bilan uyushtiriladigan kecha Trampning shaxsiy villasi joylashgan Florida shtatidagi Palm-beach’da bo‘lib o‘tadi.
Izoh (0)