Janubiy Koreya KXDRga tegishli barcha masalalarini AQSh bilan muvofiqlashgan holda hal qiladi. Bu haqda Shimoliy Koreya atomi bo‘yicha muzlatilgan olti tomonlama muzokaralarda Janubiy Koreya delegatsiyasi raisi Li Do Xun ma’lum qildi, deb xabar beradi “Korrespondent.net”.
Yarim oroldagi tinchlik kelishuvlari uchun javob beradigan diplomat Vashingtonga amerikaliklarni 9-yanvar kuni bo‘lib o‘tgan Janubiy Koreya va KXDR vazirlarining uchrashuvi natijalari bilan tanishtirish uchun bordi.
“Men Koreya yarim oroli masalasiga oid AQSh va Janubiy Koreya o‘rtasidagi muvofiqlikni mustahkamlash bo‘yicha turli muhokamalar o‘tkazishni rejalashtirmoqdaman”, — deydi u.
Li Do Xun shuningdek, ikki Koreya o‘rtasidagi muzokaralar natijalari o‘rganilishi va oldinga ildamlash yo‘llari ko‘zda tutilganini ham qayd etdi.
Izoh (0)