Moldova parlamenti spikeri Andrian Kandu lavozimga tayinlashdan bosh tortgan mamlakat prezidenti Igor Dodon o‘rniga hukumatning 7 nafar yangi a’zosini tayinladi. Bu haqda “RIA Novosti” xabar bermoqda.
Jumladan, Yuriy Lyanke va Kristina Lesnik bosh vazir o‘rinbosarlari, Tudor Ulyanovski tashqi ishlar, Kirill Gaburich iqtisodiyot, Svetlana Chebotar sog‘liqni saqlash, Liviu Volkonovich qishloq xo‘jaligi, Aleksandr Tenase adliya vaziri etib tayinlandi.
Shuningdek, parlament spikeri Konstitutsiyaviy sud ruxsati bilan Televideniye va radio to‘g‘risidagi kodeksga o‘zgarish va qo‘shimchalar kiritish haqidagi qonunni ham tasdiqladi. Dodon imzolashdan bosh tortgan ushbu hujjat Rossiya yangilik va axborot-tahliliy ko‘rsatuvlarining respublikadagi translyatsiyasini man etadi.
Izoh (0)