Iroq harbiylari Al-Qoim shahri yaqinidagi besh qishloq, temiryo‘l bekati va elektrostansiyani IShID terrorchilik tashkiloti jangarilaridan ozod etdi. Bu haqda “RIA Novosti” xabar bermoqda.
Xabarlarga ko‘ra, Iroq armiyasi bo‘linmalari va xalq ko‘ngillilari An-Nazva, An-Nohiya, Al-Amariy, At-Tazaliya va Rataja qishloqlarini ozod qilgan.
General-leytenant Abdulamir Yarollohning qo‘shimcha qilishicha, qo‘shinlar Al-Hur ko‘prigi, Al-Qoim temiryo‘l stansiyasi, temiryo‘l ta’mirlash zavodi, mahalliy elektrostansiya, AYoQSh va Al-Mashariya tumani ustidan nazorat o‘rnatgan.
Shia ko‘ngillilari matbuot xizmati axborotiga ko‘ra, jangchilar Al-Qoim markazidan besh kilometr masofada turibdi va uni shturm bilan egallashga tayyor. Ma’lumotlarga ko‘ra, shturm arafasida tashkil etilgan xavfsizlik koridorlari orqali yuzlab oilalar shaharni tark etib ulgurgan.
Iroq bosh vaziri Haydar al-Obodiy Al-Qoim va Rava shaharlarini ozod qilish bo‘yicha operatsiya boshlanganini e’lon qilib, bu shaharlarni IShIDning Iroqdagi so‘nggi tayanchlari deb atagan edi.
Izoh (0)