Turkiya poytaxti Anqaraning meri Melih Gyokchek mamlakat prezidenti Rajab Toyyib Erdo‘g‘onning talabi bilan iste’foga chiqqanini e’lon qildi. Bu haqda, shahar hokimining tegishli bayonotiga asoslanib, Cumhuriyet gazetasi xabar bermoqda.
Turkiyada hukmron “Adolat va taraqqiyot partiyasi” a’zosi hisoblangan Melih Gyokchek Anqaraga 1994-yildan beri rahbarlik qilib kelayotgan edi.
“Men Anqara meri lavozimini bu mavqeda qandaydir muvaffaqiyatga erishganim, charchaganim bois yo qandaydir boshqa bir sabab bilan tark etmayapman. Shunchaki Rajay Toyyib Erdo‘g‘onning talabini bajarmoqdaman, xolos”, — deya Gyokchekning so‘zlaridan iqtibos keltirmoqda Cumhuriyet.
Sentabr oyida Istanbul meri Qadir To‘pbash o‘z lavozimini tark etgan edi. U mazkur lavozimda 13 yildan beri ishlab kelayotgan edi. To‘pbash endi siyosiy faoliyatini “Adolat va taraqqiyot partiyasi”da davom ettirishini bildirgan edi.
Izoh (0)