Meksika tashqi ishlar vazirligi Shimoliy Koreya elchisini persona non grata deb e’lon qildi. Bu haqda “RIA Novosti” xabar bermoqda.
Vazirlikka ko‘ra, Osiyo mintaqasi va butun dunyo uchun xavf tug‘dirayotgan hamda xalqaro huquq me’yorlarini buzayotgan KXDR yadro sinovlari mazkur qarorga sabab bo‘ldi.
“Meksika hukumati KXDR elchisi janob Kim Xyon Kini persona non grata deb e’lon qildi va mamlakat hududini tark etishiga 72 soat vaqt berdi”, — deyiladi TIV bayonotida.
Ma’lumot uchun, Shimoliy Koreya elchixonalari Shimoliy va Janubiy Amerikaning atigi 4 davlati — Braziliya, Kuba, Meksika va Peruda joylashgan, xolos.
Izoh (0)