Yaponiya bosh vaziri Sindzo Abe mamlakat dzyudo federatsiyasiga Rossiya va Mo‘g‘uliston prezidentlari Vladimir Putin va Xaltmaagiyn Battulga ishtirokida musobaqa tashkil etishni taklif qildi. Bu haqda “RBK” xabar bermoqda.
Vladivostokda bo‘lib o‘tayotgan Sharqiy iqtisodiy forumdagi chiqishida Abe ikki prezident ham dzyudo bo‘yicha qora belbog‘ sohibi ekanligini eslatib o‘tdi va Yaponiya dzyudo federatsiyasi vitse-prezidenti Yasuxiro Yamasitani ularni mamlakatga taklif etishga chaqirdi.
“Siz shunda Yaponiyada prezidentlar ishtirokidagi ko‘rgazmali bellashuvlar o‘tkazishingiz mumkin, to‘g‘rimi? O‘zimga kelsak, menda qora belbog‘ yo‘q, shikastlanishni ham istamayman. Muxlislar qatorida bu ajoyib bellashuvni kuzatganim ma’qul”, — dedi Sindzo Abe.
Izoh (0)